重點出擊——明月光重開勝門

  列陣第五場跑四班一六五○米的「明月光」,甚具廄侶「萬利高」影子,彼此實力皆是三班不足,四班有餘,巧合地兩駒跑谷草一六五○米同為首本路程,而且經得起頻密出賽,蘇保羅手法亦明刀明槍,上季尾「明月光」在總場次637遇到有利形勢即能征服三班,之後更在盲門田草千八米與二班惡馬「將才」鬥得接近,本身評分一度攀升至六十七分歷史新高。

  今季「明月光」從高位起步,出賽六次之後,如今又能回降四班上陣,看牠近兩仗走勢明顯復甦,預期今仗甚具贏面。先睇前仗總場次347,雖然早段受惠偏快步速,但與牠走位相若的「雪戰神駒」接戰能上名,而「明月光」沿欄走相對偏慢路段,卻比前駒先過終點,同場還有「合拍威龍」再出贏馬,可見賽事水準不俗。至於上仗再戰谷草一哩,遇上當日場地大利前領,本身尾二入直路仍追回大片失地,勇況可見一斑。今次「明月光」乃季內首度配洋將,郭能更是贏馬配搭,憑藉班利與勇態,料可再入凱旋門。

安西教練

hd