翠絲過兩關——及時行樂事勝意

  頭場長途賽的焦點落在轉倉初出的「扎西德勒」身上,然而隔夜見其賠率頗為側重,值博與否見仁見智,反而曾勝二千二百米的「事勝意」更有留意價值。

  「事勝意」上次重回三班即能入位,班次有利已不用明言,加上又有路程勝績,計落更加抵博。黃皓楠季內首次策騎苗廄馬,但過去兩季二人合作都有馬贏,並非盲門組合,今回可放心捧場。

  第五場「及時行樂」今季轉入石廄後一直未贏,令人懷疑實力是否見盡,不過上仗步速扯快後,終見真章贏馬而回,而且姿態極其輕鬆。今次同場對手中,「永益善」前段絕不會慢,加上排外檔的「火百合」及「活力勇士」都會上前,已確保會如上仗般有正常甚至偏快的步速出現,應合此駒發揮,有望再下一城。

珊翠絲

hd