健談馬事——心慷慨搏殺貪新鮮

  第五場四班泥地千二米,「心慷慨」上季三月後再無落場,然而四至七月,一直有正常操練,歇暑期間,早在八月頭已恢復快試,八月尾更試大閘及拍跳,經過此輪準備,終於重納正軌。唔信?可以睇上季六月,今季八月兩課泥閘表現,一定睇到分別,難得可以由弱轉強,季初是搶攻好時機,久休半年後復出,充滿新鮮感,預期落場,頭段未必會太落後,若無估錯,咬得住主馬群,可望如早前試泥閘般,直路勁追一段爭三甲,甚至贏馬!

  第九場三班泥地千二米,「公証福將」七月跑開、好開,唞暑後承接上季尾勢頭,試埋大閘,做足準備再攻強項,可跨季打疊好。

子健

hd