健談馬事——陽明亮亮漁人得利

  第二場五班一千米。經常強調,買高伯新的馬,無論賽績幾好,最緊要還是睇操練,應跳唔跳之馬,多數會令你失望。「哈蝦王旺」頹廢至上季中後期,狀態才開始有轉機,操練唔多、唔辣,仍能兩度在四班同程後追跑第四,表現接近破格;今季降落五班重新起步,賽前執正操練模式,大閘、細閘及拍跳工序做齊,近乎從未在賽前有這樣的充足準備,狀態又早到位,還難得有值博賠率,抵博過同場熱門馬!

  第六場四班千二米,唔知「陽明亮亮」之後會唔會被安排跑一哩,只覺得牠跑千二的把握更大,今次抽四檔並唔難跑,跟得到前領馬之後,不失主動權,應有望坐收漁人之利。

子健

hd