健談馬事——極爽排二檔好跑

  第二場五班千二米。已經一年有多未見過「善傳千里」朝早咁有火、咁有勢,縱不致於重返前季初打疊贏馬時水平,卻幾肯定,歇暑後操落,狀態乃近兩季最無挑剔一次;無可否認,抽十一檔有如被淋一盤冷水,不過卻一定會由熱變半冷,換到合理甚或超值的值博率,仍甘願博佢,楔到中間二疊位,做到的話,仍覺蝕得起,夠贏!

  第三場四班千二米。「極爽」上周三若無取消,排四檔,隔一周再跑改抽二檔,結合局勢,安全度有增無減,上次還驚內側有「菁年財駿」快過佢,今場一檔馬唔快,只有隔離三檔「富萬家」快,無論貼欄頂或跟都會好跑。

子健

hd