健談馬事——湛江最醒優勢呈現

  第二場三落四班的「湛江最醒」,無論操練鋪排與用人,擺到明會一出即搏,以其上季數度在三班同程不敵較強對手,相對這次換轉了另一批大多唔識贏的四班馬,唔算叻對唔算叻,縱使負重磅,也覺有些微優勢。

  第三場「旅遊拿督」由上年尾到今年中,跑八場有七場全入前五名,用力唔少,估唔到今季一早復課,無間斷操足兩個多月,還罕見地有齊快跳、試閘、拍跳課期,單數對上一課大閘,相距近一年,更難得試閘後,埋門竟再有兩課拍跳。已好耐無見過「旅遊拿督」有如此充足準備,抽埋一檔更值博。

子健

hd