伊仁絮語——任我行今場一定好

  第六場三班千二米。「紅旗星將」上季尾接連三仗跑同程,結果全入三甲,所遇對手包括「載譽歸來」、「金鼓齊鳴」及「綠野先駒」等惡馬,比起今場所遇的一批馬,實力根本無得比;向來唔心急的蘇保羅,復課安排牠試夠兩課大閘,確認操好才鎖定今場為目標,有埋陳嘉熙減磅,孭住一一九磅,以馬論馬惡到暈!

  第八場三班千八米。「任我行」上次跑田草千八米,潘頓無揀而改配薛恩,陣中遇上唔好際遇,亦差點跑贏潘頓揀騎的「我𢥧意」,我會秤這場水準,比起056及101兩場谷戰稍高半級;跑完復課,此駒的操法辣到爆,經大閘及試草地壓逼後,體重不跌反回升,此乃大好現象,預期今場一定會跑得好。

Ian

hd