健談馬事——其樂無窮非副車

  第四場鄭俊偉出一對,「其樂無窮」與「牛精輝煌」計近績,表面睇後駒較可取,卻唔代表「其樂無窮」差到不值一提,除近兩仗都唔太差之外,經過足夠熱身後,鄭俊偉着意改變操法,早前刻意安排已一年無試閘的「其樂無窮」試泥閘,藉此提升其狀態,繼而出爭這次強項,無論操法與心態,比起早前跑一哩都好唔同!

  方嘉柏將上次跑谷草一千的「電子大師」,調去跑尾場千二,讓位畀同樣可報千二的「獎進」,休息期較短的後駒,只隔十八日再落場,無快工夫唔出奇,不過有跳總比無跳好,維持足夠運動量,今晚抽二檔跑一千,遇弱旅,好抵博。

子健

hd