健談馬事——神速寶相對值博

  第二場「神速寶」既已跑夠,賀賢部署亦與上季同出一轍,減夠分落五班後,先跑田草千四,繼而轉攻強項。上季行同一條路得手,今季行番舊路,換上麥道朗,比起用潘頓,降低受注目程度,不會因被超買而偏熱,相比今次同場熱門,相對更值博。

  第七場「勤德兼備」前仗贏谷草一哩,並唔係齋賺快步速,夠弗且本身是路程專家俱為原因。上仗轉爭田草,以潘明輝對其熟悉程度,發揮顯然唔太對路,直路遲至最後百五米才發力。睇過復課後試跑,幾肯定其狀態無回落,這次復爭強項,同場有足夠前領馬,有權變身!

子健

hd