《同盟》大團圓結局,鮑姐「返鄉下耕田」,陳展鵬好威威獨力KO晒Final Boss。
《同盟》大團圓結局,鮑姐「返鄉下耕田」,陳展鵬好威威獨力KO晒Final Boss。

今晚《同盟》大結局,收唔收貨?講返劇情,鮑起靜飾演的令熊要結束令氏,心懷不軌的「家名」林子善、「令熹」韓馬利阻止唔到,又將安全屋位置告知Rainman,想借刀殺鮑姐不果,林子善又親手殺死韓馬利,拎住偽造的授權書跟同盟宣佈已接管企業;不過又係「子杰」陳展鵬設下的局,林子善跟同盟一大班人被Rainman放毒氣焗死。

陳展鵬害死親人,遭鮑姐訓斥他冷血無情,其實一切都在陳展鵬的計劃中,他成功說服四大財閥,Rainman江美儀死了,救得返阿媽鮑姐同兄弟「千佑」陳山聰,陳展鵬更當上新一代Rainman,失蹤兩年搜集財閥的罪證,要一網打盡惡勢力。另邊廂,鮑姐由女強人變成歸隱田園,真係「返鄉下耕田」,新抱「以柔」姚子羚仲大肚添;「清欣」胡定欣癡癡的等待愛人,最後當然遇返陳展鵬,二人在雨中相擁,完了。

好多網民唔多Like結局,有人話一早當喜劇睇,合家歡時段每晚8點半播更適合,彈結局「趕收工,好爛」、「真係頂唔順」。網民講出唔少犯駁位,例如「四大財團用兩場戲就被解決?仲易對付過rainman」、「一班咁勁嘅幕後大佬,幾句就俾陳生攪掂,拿拿林大團圓結局」、「政治部都冇杰杰咁多料,KO財閥」、「就係臨尾主角威晒,就咁完」、「劇情好似小學生以為自己寫咗啲好有意思嘅故仔咁」、「成集結局陳展鵬由頭到尾都chok住,想點?」

另外,江美儀臨死一幕有笑料,殺手齊齊電話響,收到「殲滅」指令,網民笑指「只可解釋手機已成為現今世代萬物之靈,殺人都要同部手機confirm下」。陳展鵬明明成功人間蒸發兩年,不過KO財閥後,一行出街又見返定欣,真係做戲咁做,網民又插「完全趕收工得好緊要」。

Final Boss四大財團入面有Joe Junior。
Final Boss四大財團入面有Joe Junior。
林子善親手殺死韓馬利。
林子善親手殺死韓馬利。

林子善死埋
林子善死埋
鮑姐好傷心,覺得陳展鵬冷血無情。
鮑姐好傷心,覺得陳展鵬冷血無情。
易先生又死埋
易先生又死埋
陳展鵬拋下定欣獨力去單挑四大財團。
陳展鵬拋下定欣獨力去單挑四大財團。
定欣信陳展鵬仍在人世
定欣信陳展鵬仍在人世
Rainman江美儀都死咗
Rainman江美儀都死咗
鮑姐歸隱田園好開心
鮑姐歸隱田園好開心
網民笑「政治部都冇杰杰咁多料,KO財閥」。
網民笑「政治部都冇杰杰咁多料,KO財閥」。