JW、林奕匡、樂隊Supper Moment(SM)昨晚於旺角麥花臣場館舉行音樂會。
JW、林奕匡、樂隊Supper Moment(SM)昨晚於旺角麥花臣場館舉行音樂會。

王灝兒(JW)、林奕匡、樂隊Supper Moment(SM)昨晚於旺角麥花臣場館舉行音樂會,開騷前進行拜神儀式,JW指男友要工作不知會否來捧場。問會否去看鄧紫棋(G.E.M.)紅館演唱會?JW說:「我今晚喺呢度唱歌,冇可能。(怕不怕又再傳不和?)不和係你哋講呢,大家要工作。(之後兩日呢?)都要工作,希望佢good show。(會唔會送花籃支持對方?)會,公司會安排,通常歌手開演唱會禮貌上都會支持。」

另外,JW為其1月舉行的紅館演唱會積極操弗節食,會否迫男友一齊減肥?她說:「唔會迫,我哋食得好健康,食糙米、雞唔落汁同烚菜。」演出時談到夢想,JW說:「一入行掂呀!簽畀黎明又做衛蘭師妹,以為一帆風順,但原來唔係,夢想唔一定順利。」她說前幾年有點迷失,覺得是上天對她的考驗,如經得起考驗就能達成夢想。

SM曾在該場地舉行演唱會,主音Sunny指香港演出場地不多,缺乏細場,很多香港藝人多年來都在相同場地演出。SM亦正努力申請大型場地舉行演唱會,但仍未獲批,他們覺得彩數也是其一原因,會繼續不停嘗試入紙申請,但會先推出專輯才計劃做騷。

JW祝福鄧紫棋有good show。
JW祝福鄧紫棋有good show。
Supper Moment稱努力申請大型場地舉行演唱會,但仍未獲批。
Supper Moment稱努力申請大型場地舉行演唱會,但仍未獲批。