潮流興修身,最近很多男藝員都努力操肌變身大隻仔,就連一向肥嘟嘟以可愛形象示人的音樂人陳奐仁(Hanjin),最近都加入健身行列,密密在健身房鍛鍊自己,更已漸見成果,隱約見到腹肌和麒麟臂,與肥胖說Goodbye!

受到Hanjin的啟發,藝人杜汶澤(阿澤)都宣布展開修身計劃,誓要以最fit身形迎接夏天!阿澤在社交網好豪情咁話:「我的新偶像大隻仁,用了十個月時間改變自己,嗰種恒心同毅力,令人動容!曾經是減肥界鉅子的我,今日趁着腸胃炎獨留家中上吐下瀉,正好開始我的修身計劃,不但要增肌,更要消脂!要做到之前做唔到嘅效果!今年夏天!做一樣八歲之後從來無做過嘅事!我要用最fit嘅身形,去沙灘!曬太陽!只許成功、不許失敗!因為失敗嘅藉口可以有一萬個,成功嘅原因只有一個,咪就係勁囉⋯⋯做唔到,我去死!立此存照!#約定」

Hanjin看到阿澤的豪情壯語後,忍不住留言話:「客氣客氣,我唔大隻,多咗肌肉啫。我慎重諗咗幾個鐘之後。。。#約定 #you+me #今個夏天最fit身型去矖太陽 #dealornodeal」阿澤之後更留言話:「仁哥已經答應我比三個月時間我,沙灘見,到時對號入座!」大家不妨等三個月,見證阿澤的修身成果!