Advertisement

張繼聰37歲生日晒自製MV 老婆謝安琪勁冧:感謝奶奶誕下了小聰聰

生日快樂張繼聰!今日係37歲牛一,當然有唔少歌迷、好友送上祝福。昨晚生日前夕,張繼聰在面書上載新歌的自家製MV,睇相同歌詞都知壽星仔想多謝好老婆謝安琪、囝囝同埋身邊的所有人。

話說當年謝安琪紅過張繼聰咁多,負面新聞多多,又話張繼聰係「廢柴老公」,又傳過婚變。張繼聰通通都唔介意搬返出嚟講,皆因近幾年拍劇拍戲成績唔錯,事過境遷啦。

壽星仔張繼聰就話:「37年前嘅今日嚟到依個地球參加遊戲。感謝大家嘅祝福同埋愛護,全部收到哂,多謝多謝。話說係2015年尾做咗最後兩首歌(暫時),一首叫《細路祥》,而另一首從來冇發表過.....今日想係度同大家分享,答謝大家嘅支持。唔知幾時會再做音樂,送住依首新嘅舊歌比大家先!真心感謝支持我嘅每一位,我很快樂,I am OK」

老婆亦冧爆留言:「謝謝你這一句'I'm OK',在我的角度看你,這一句OK,並不是簡簡單單的OK ,是你把一切最不OK的,都自己硬啃KO了,讓我每天可以過得很開心很OK❤PS: 另外,更想多謝奶奶,因為37年前的今天,奶奶誕下了小聰聰,感謝奶奶。」


hd