近日梁詠琪(Gigi)在無錫拍戲,不過佢之前已預告會返港為囡囡Sofia慶祝兩歲生日,簡簡單單食吓嘢玩遊戲。Gigi開心些牙Sofia得意片段,見Sofia拎起玩具電話,一輪嘴講嘢,傾到七情上面。

Gigi解畫,原來Sofia想請芝麻街Elmo去自己生日會,變咗同Elmo煲電話粥。對得囡囡多,Gigi當然識聽「BB話」,仲幫Sofia翻譯。原來可愛Sofia用英文同Elmo講:「佢係Cookie Monster,唔沖涼。我洗咗頭啦,你聞吓,好香。佢跌親唔會喊㗎;你自己嚟生日會?好好!留啲朱古力畀我,早抖Elmo。」