Advertisement

謝安琪未入院生B 張繼聰報料:太太仍然喺屋企行嚟行去

謝安琪(Kay)去年4月開騷後,宣佈暫別樂壇,至去年9月中再報佗B女喜訊。數數手指,Kay隨時生得,日前有指Kay同老公張繼聰,已計劃在沙田仁安醫院開刀生第二胎,張繼聰亦一早講明拍緊劇都「走佬」陪產。

今日依然未有任何消息,張繼聰在面書表示有不少記者朋友詢問,並搞笑指老婆「依刻仍然優雅咁喺屋企行嚟行去」。張繼聰更窩心報料,叫守候在醫院的傳媒可以先收工。

張繼聰留言道:「事源(緣)之前有報導(道)話我嘅囡囡今日出世,攪到我個心都離一離,繼而依兩日收到好多記者朋友嘅詢問。多謝大家嘅關心,明白,收到哂。不過今日我仍然要繼續工作,太太依刻仍然優雅咁係(喺)屋企行嚟行去....辛苦所有係(喺)醫院等我地(哋)嘅記者朋友,辛苦唒(晒)要大家白走一趟。快d(啲)叫你地(哋)阿頭比(畀)你收工啦。話哂(晒)星期一,應該hea得就hea。最後,小朋友嘅來臨係人生最幸福嘅事,我同太太好多謝大家祝福,囡囡出世,一定會同大家分享喜訊。」


hd