郭富城在半島酒店設婚宴,酒店外相當墟冚,引來現場有近百傳媒採訪。今日只聞男方的型仔相,以及一大堆兄弟團的照片。新娘一直未有現身,而且大家都好有興趣係咪雙喜臨門。

網上有張方媛裙褂相曝光,二人笑到甜蜜蜜,望住對方非常情深。後面嘅張智霖睇到都笑到十分冧。及後本網正式收到婚紗相,見到「城嫂」婚紗胸前以lace點綴,勁高貴優雅。

今天正式成家的城城尊重家人喜歡低調的意願,𧫴訂於半島酒店舉行完全私人形式的晚宴,城城衷心謝謝大家的祝福。

城城的婚紗照由著名攝影師夏永康(Wing Shya)操刀,以簡約優雅的氣氛為主體。主題為:「Let's Dance 」,寓意新人的首舞。是次城城的禮服為Tom Ford ,而新娘方媛所穿的婚紗則為著名高級婚紗品牌「Georges Hobeika」,剪裁優雅大方。而配襯婚紗的珠寶為Louis Vuitton的High Jewelry ,款式精緻典雅。

另一張相就見方媛一手拖住爸爸,一手搭住媽媽,戴上頭紗非常高貴,不過婚紗照嘅肚就唔似有喜喎。據講,方媛爸爸同城城講,由細聽佢嘅歌,希望佢好好對待方媛咁話。

【城城擺酒】小美帶兄弟團代派利是估吓有幾多?