鄧兆尊入戲鬧梁烈唯鬧到手指指,投入到唯唯都嚇一嚇,忍唔住出手擋。
鄧兆尊入戲鬧梁烈唯鬧到手指指,投入到唯唯都嚇一嚇,忍唔住出手擋。

鄧兆尊近年淡出娛樂圈,相隔8年之後,早前再接演一部網絡電影《失業皇帝2017》,好多人認為已故「祥哥」新馬師曾遺產剩落大把,鄧兆尊一定唔憂做;不過,早排祥嫂(洪金梅)又話,兆尊高調晒3個女友,係想搏曝光搏復出喎。究竟兆尊係唔憂做,定搲撈呢?

投資《失》片嘅老闆向展邦、向展威兩兄弟向《東周刊》爆料話,係自己主動接洽鄧兆尊演出嘅,有少少係因為睇到鄧兆尊呢排嘅新聞,想搵個有份量同有啲名氣嘅演員,好自然諗起佢。加上安排鄧兆尊演住籠屋靠賣舊電器維生嘅「財哥」,無論外形同感覺,鄧兆尊襯晒個角色。向氏兄弟仲話,今次搵鄧兆尊一共拍咗4場戲,酬勞有6位數。鄧兆尊都好易話為,冇喺價錢上計較過,可以話大家係一拍即合。

《失業皇帝2017》嘅老闆向展邦當日都嚟埋現場探班,仲爆搵兆尊拍戲,大家冇喺價錢上斟酌過,而佢又話睇好梁烈唯,所以搵佢做部戲嘅男主角。
《失業皇帝2017》嘅老闆向展邦當日都嚟埋現場探班,仲爆搵兆尊拍戲,大家冇喺價錢上斟酌過,而佢又話睇好梁烈唯,所以搵佢做部戲嘅男主角。
拍攝空檔,鄧兆尊忙住接電話同覆短訊,唔知係咪俾3個女朋友「追魂call」呢?
拍攝空檔,鄧兆尊忙住接電話同覆短訊,唔知係咪俾3個女朋友「追魂call」呢?

在拍攝現場,鄧兆尊扮演籠屋居民,因為被大集團逼遷,而著晒「血衫」抗爭,睇佢爛身爛勢,演得都好投入。鄧兆尊話今次拍戲,最想睇吓依家同以前有乜唔同:「依家啲拍攝手法唔同晒,兩部機一齊拍,唔使由朝等到晚。同埋後生一代嘅演員,我都唔熟,可以乘機了解吓佢哋,有乜新思維同埋新諗法。」