麥明詩撐林作都是以事論事。
麥明詩撐林作都是以事論事。

麥明詩(Louisa)與籃球女將方詠琳為擔任動漫電玩節預覽會嘉賓,Louisa穿上遊戲中的高爾夫球服裝亮相。她透露兒時會趁爸媽不在家,就偷偷跟哥哥在家中打機,但都中4中5就沒再打機,因要應付會考。她笑說:「玩射擊、足球遊戲,不過唔叻,成日俾哥哥屈機。」

麥明詩
麥明詩
籃球女神方詠琳
籃球女神方詠琳

對舊愛林作提到應屆6位DSE狀元,志願全都以醫為終生職業,批評取向單一而惹起爭議。Louisa坦言明白林作這番說話用意,說:「我覺得在容許範圍內,可以多元化一啲對社會都比較好,但始終有現實社會的規限。唯有揀一啲安穩、高薪嘅職業都無可厚非。」問到是否做藝人收入更高?她笑說:「唔係!我都留意到有人有律師都唔做啦,傳統覺得『三師』賺到錢,但隨着時代的轉變同科技發達,始終會被科技慢慢取替。」她認為做醫生都有很大貢獻,說:「我理解佢(林作)係講緊一雙手嘅貢獻。一對手幫到嘅人有限,如果去到一個科技或政策上的影響,可能個影響力會更大,所以這個視野係啱嘅。」(攝影:羅安強)