Emoji系列大改變,用戶在GooglePlay留1星罵WhatsApp。
Emoji系列大改變,用戶在GooglePlay留1星罵WhatsApp。

WhatsApp昨宣布正式推出「回收訊息功能」,發送後七分鐘內可以刪除訊息,令User歡喜若狂,大呼「終於等到了!」但其實「回收訊息功能」在香港大部份機種都未開通。反而最新的更新,因為WhatsApp原來釋出了最新版的Emoji,全部變成立體3D,連「喊喊樣」、「驚嚇樣」、「男仔女仔樣」都變種,大批WhatsApp用戶洗版直斥「好核突,還我舊版emoji」、「呼籲未更新嘅人千祈唔好更」,甚至大罵「真係好樣衰 你地(哋)有冇啲自知自明?」

新emoji災難對於用戶來說,可謂「一啖砂糖一啖屎」,「回收訊息功能」宣布推出,但同時轉Emoji。新版Emoji將所有公仔都變成3D,但用戶都有點名批評有數個emoji「核突到不能接受」,例如平日用開「扮乖舉手男仔女仔樣」,忽然間男仔藍色衫轉紫色衫,女仔紫色衫轉淺綠色衫,有用戶留言「有幾個男仔emoji變左着粉紫色衫,咩事丫」。另外平日用開嘅「驚嚇樣」原本係嚇到無眼珠,但新版有眼珠。

不少網民到Google Play留言大罵,更有人衝着設計者而來,「邊個設計師咁失敗?佢番得鄉下。改到emoji咁叫人點用得落,見到都感到嘔心,再唔改等收一星」、「emoji啲design越黎越核突,係都要將佢變3D,又要design得樣衰,可以考慮下換過個designer」、「還我長髮少女啊~~~ 這次emoji 太醜了吧!設計師的眼睛去哪了?想變立體也不是這樣吧!」

也有用戶尤如崩潰一樣控訴,揚言留一星再刪WhatsApp,「外表醜陋之餘欠缺內涵,不堪入目,令人睇到之後無法安寢,心情受到困擾,敬希自我反省,重新換翻舊有emoji」、「完全不能接受!用whatsapp也是為了emoji而已。用的意義完全滅了!!!!!」、「更新左之後嘅emoji真係好樣衰 你地有冇啲自知自明?唔該快啲搞番掂佢」。

新版EMOJI。
新版EMOJI。
有人指新Emoji「好核突」。
有人指新Emoji「好核突」。

有用戶指男仔轉紫色衫「咩事呀」。
有用戶指男仔轉紫色衫「咩事呀」。
不停給予一星。
不停給予一星。
用戶不停鬧。
用戶不停鬧。