近日有家長在Facebook群組「不願小朋友成為功課奴隸」分享,指陪子女參加學校的小一親子旅行時,見到有家長帶同功課到旅行地點做,「個同學喊哂,放假都冇得玩就係而家嘅學生生活!」

出帖家長遂上前指旅行日讓小朋友放鬆,詢問該名家長帶功課的緣由,對方以普通話回應道,因子女測驗全部不及格,故要懲罰他不能玩,要看著其他小朋友遊玩。及後出帖家長更曾向老師反映問題,但該名家長只是收起功課,堅持罰小朋友坐定不准玩。

事件旋即受到網民熱議,質疑家長做法,「咁請假唔去喇,係屋企做功課咪好囉!痴(黐)線」、「呢種家長,個仔死左(咗)都會燒兩本作業比佢」、「如果叫個家長去外地旅行,但帶埋公司文件去做,睇吓佢喊唔喊」、「 今時今日的教育方式,有部份是家長做成的」。