港人食嘢出名咀刁多要求,即使去快餐店買個包都要求多呢樣走嗰樣。有網民上載圖片,指近日有同事到快餐店買包,表示「淨係要包」,意思是不要套餐只是單點一個包,但最後該名網民的同事取包時,發現「真係得個包」,包內的肉、醬以及配料等「全部走晒」,笑爆網民。

該名網民昨日上載圖片,指同事點餐:「芝士孖寶(堡),淨係要包(意指唔要餐),拎走,唔該」,店員問:「淨包?」同事:「係,淨係要包」。網民指:「當同事打開個包時,發覺只係得兩塊包皮…再睇下張單佢…😅其實依單野都唔可以叫服務差,反之仲好服務周到㖭」。

有網民表示,是食客表達不佳導致笑話出現,「個服務員冇錯,係買野嗰個表達能力啫」、「講句『唔跟餐』咪得囉,客人表達有問題點怪得個收銀仔」。