網民選出全港最差公共屋邨。資料圖片
網民選出全港最差公共屋邨。資料圖片

房委會和房協豁下共有245條屋邨,遍佈全港。根據房委會數字,截至去年12月31日,本港共有2,081,000人,即本港約近三分之一人於公屋單位居住。有網民近日票選全港最差屋邨,其中以安達邨、富亨邨、清河邨,以及水泉澳邨等最多人投為最差,主要原因是交通不便和「無啖好食」。

有網民於「連登」討論區發文,選出全港最差屋邨,吸引大批網民留言。當中最多人談及的是觀塘安達邨,有網民讚安達邨風景不錯,但配套極差,「啲景係真係靚到『揼』一聲,但真係好唔方便,嘢食、交通都垃圾」、「安達安泰真係極品來,落山個條路一塞就係咁先,交通差唔再講,個位又自閉一大霧成條村唔見哂」。

大埔富亨邨亦榜上有名,除了交通不便,更是美食沙漠。「全大埔唯一一條屋邨冇港鐵接駁巴士,搭九巴要15分鐘先到火車站,而且夜晚10點後所有食肆都關門,得一間便利店醫肚,最近都要行15分鐘去大埔中心先有其他嘢食」。

同樣被網民投票為最差屋邨的還有上水清河邨,「樓下兩間餐廳都唔係人食,一係就要行去祥龍圍食快餐店,再唔係已經要行15分鐘嘅彩園先有正常啲嘅嘢食,買餸又一定要去到遠一遠,搭火車都要行15分鐘,冬天都好啲,夏天行完成件tee就快揸到水出嚟」。

沙田的水泉澳邨亦是連登仔之選,「住山上想出沙田區以外嘅地方,都要行到山腰先有車搭,啲屋又細,商場又唔多嘢行,夜晚肚餓想搵便利店買宵夜都難,仲要間唔中就會睇到新聞話水泉澳啲水渠或建構有問題,一提水泉澳都係負面嘢」。

有網民分析最差屋邨原因,歸咎政府規劃不善,「不停搵地起公屋,但交通飲食係做得好差,起完可以無商場,一係得幾間連鎖店,又或者得間便利店,交通又係亂咁嚟,好似起完先安排其他嘢咁」。

觀塘安達邨。資料圖片
觀塘安達邨。資料圖片
上水清河邨。資料圖片
上水清河邨。資料圖片

大埔富亨邨。資料圖片
大埔富亨邨。資料圖片
沙田水泉澳邨。資料圖片
沙田水泉澳邨。資料圖片