巴士是公共交通工具,每日接載大量乘客,不時都會遺下垃圾,由清潔人員清理。一名乘客於巴士上亂拋垃圾,全程被手機錄影,被其他乘客勸籲後反指「有清潔執架嘛,我又唔係扔落地下」,被網民批評欠缺公德心。

片段上載於Facebook專頁「老實香港人」,片段所見,一名乘客於一輛九巴上層後座位置,將垃圾向後拋,拍片乘客即開聲勸籲:「喂阿生,咁扔垃圾都得嘅你。」乘客隨即指「呢度有清潔執架嘛」,然後繼續玩手機。

乘客再忍不住開聲,拋垃圾乘客再指出「呢度巴士站,上車有清潔架嘛,你唔知呀。」其他乘客亦開始出聲勸籲「都唔可以咁無公德心架」,他反駁指「我又唔係扔落地下」。

網民一面倒批評該乘客缺德,「影衰晒 !你唔攞埋屋企啲垃圾倒落車廂度!冇家敎!」、「叫佢垃圾掉在佢自己的家」、「低端垃圾,厚顏無恥」。

片段來源:老實香港人