躁爸為買10元兩個漢堡包大鬧快餐店。影片截圖
躁爸為買10元兩個漢堡包大鬧快餐店。影片截圖

有快餐店近日連續推出多個優惠,吸引不少市民排隊購買。網上流傳一段短片,見到一名拖住小女孩的躁爸,疑因未能趕名優惠限期前,以10元購買兩個漢堡包,大鬧快餐店,更拉扯一名顧客大聲喝罵他,又爆粗質疑店員有關指引不清晰,「貼張紙出嚟有無得賣呀」,引起網民討論。

網民Chris Ho‎於Facebook專頁「香港花生友」上載有關影片,見到一名拖住女兒的男子,不斷拉扯一名男子,叫佢「你買先啦,你買先啦」,期間有人斥躁爸行為教壞女兒,他隨即發炮「關你x事咩我點教女。」其後店員安撫躁爸情緒,叫他冷靜一點,但他未有理會,「你貼張紙出嚟呀嘛,貼張紙出嚟呀,有無得賣呀。」

另一片段所見,該名躁爸續向店員質問,「咁你而家係話全日都有架嘛,而家都未到三點。」躁爸質疑為何可以10元買一個漢堡包,而不能買兩個,店員解釋指優惠時間已經過去,故未能享用該優惠。

不少網民都認為躁爸行為教壞小朋友,「冇得買咪食第二樣囉,嚇死個女」、「為咗10蚊漢堡包就咁樣,香港人真係悲」、「肉酸到一個點」。

影片來源:Chris Ho‎