女乘客與內地客爭執期間,中間的港男被迫走,並指「你哋慢慢玩」。影片截圖
女乘客與內地客爭執期間,中間的港男被迫走,並指「你哋慢慢玩」。影片截圖

搭港鐵間中都會出現有乘客強行「超坐」情況,尤其是東鐵線。有女乘客見到3名成年內地人坐兩座位後,好言相勸對方不果,更反被勸「起身唔好坐」。女乘客於是拍片,對方堅稱「3個人坐兩個位無錯」。雙方爭拗期間,坐在女乘客和內地客中間的港男被迫走,並指「你哋慢慢玩」,結果引來附近不少乘客竊笑。女乘客感心灰,認為港男「唔幫拖就算仲要踩一腳」,嘆道「香港人真係唔團結」。
該女乘客昨日在facebook群組「North District 北區」上載當時拍攝片段,並在帖文稱,雖然事發是在前日(8日),但認為類似事件日日都發生,「好聲好氣講又唔聽,係要搞到咁,其他人喺度食花生,最心灰的係隔離個香港男人起身之後叫我哋慢慢玩,鬧完再返番嚟坐」。
片段所見,兩男一女操普通話的內地乘客乘搭東鐵線時,坐在兩個座位上,其中一女子稱「都係無錯,我們3個人坐一點點,我們3個人坐兩個位,對吧?」,然後對座一位男乘客表示「無5個架」。與內地客同坐一張椅的還有一名拍片的女乘客和一名港男,女乘客斥內地客,「唔怕醜吖嘛!唔緊要架」,內地男乘客則堅持「無錯」。港男見女乘客舉機拍攝,於是起身表示「你唔好影到我先架嘛!」結果引來內地男恥笑。
帖文引起不少網民留言,拍片者亦補充指,「成車人喺度食花生,只有對面一個同樣被逼5人坐的阿伯出過兩句聲之後就唔講野,心灰,香港人真係唔團結」,有網民也表示認同,「灰心係香港人都唔幫番自己人吧,個個都漠不關心嘅樣」。另有人認為,「同呢啲人講道理係冇用㗎!直接鬧佢算啦!佢哋只會覺得自己啱晒!」、「無人想同佢肉貼肉咁坐呢!佢哋真係唔覺得影響緊人!」