facebook專頁「成家買樓理財創富」圖片
facebook專頁「成家買樓理財創富」圖片

新iPhone今日下午接受預訂,但似乎唔係好炒得起。不過香港人出名腦筋轉得快,總會搵到搵快錢方法。隨著超級颱風「山竹」逼近,不少市民都要搶購膠紙封玻璃窗,於是膠紙價位愈升愈有,網上更傳有鋪頭疑將膠紙炒到54蚊!
填詞人梁栢堅今日出po,指今早有朋友在灣仔買3M皺紋膠紙,10蚊已買到,但中午過後,已有鋪頭賣29蚊;有網民就報料,中環已賣到30蚊。
不過,個風未打到嚟,平時最叻捉緊每個賺錢機會嘅香港,又點會咁快俾佢炒完呢?facebook專頁「成家買樓理財創富」就分享照片,一家鋪頭的膠紙今早原本賣15蚊,但其後疑一度炒至54蚊。另外,又有網民出帖,聲稱膠紙斷市,以80蚊兜售。「山竹」來勢洶洶,搵到膠紙唔通唔搶咩?

又有網民聲稱以80蚊出售膠紙。網圖
又有網民聲稱以80蚊出售膠紙。網圖