案件今日續審。資料圖片
案件今日續審。資料圖片

六旬老翁涉嫌5度強姦及非禮就讀小學的女兒,被控強姦、非禮等12罪受審。老翁今早出庭作供,聲稱在警誡下承認非禮女兒是「講大話」,又解釋女兒多年來「誤解」遭父親非禮,其後更以為女兒因此事而企圖自殺,他為了「償還」女兒而自首入獄「等佢心息」,並藉此修補父女關係。後來他在收柙所中回復清醒,心想「我係咪應該就住我無做過嘅事而去認罪?」。

現年64歲的被告在警誡會面承認,有4、5次撫摸女兒胸部和下體,更曾三度舔對方私處。他解釋犯案是因「一時衝動」,又以美食作喻指「啲嘢好食嘅話,你會唔會食多次吖?好食嘅話,你會翻食」。

被告今早全盤推翻在警誡下的招認,並指女兒一直誤會父親在她小時候與她共浴是非禮她,「一直覺得我搞過佢」。直至前年4月,被告從妻子口中聽聞女兒企圖自殺入院,他聞言後「個人都差唔多癲咗」,以為女兒「以死相逼」,勢要被告「坐監還畀佢」。被告「唔想佢有事,唔想佢有自殺念頭」,決定向警方訛稱犯案:「我一心想償還畀佢,所以喺差館承認非禮佢嘅事,等佢心息啦!」辯方問被告,為何女兒會誣告父親強姦?被告答:「我諗唔到任何理由!」

被告女兒早前供稱,父親會在家中赤身走動,並邀子女一同觀看成人電影,甚至在他們面前手淫。被告今早全數否認指控,又指女兒冤枉他,但他無法解釋原因。控方認為,被告無法解釋正正是因女兒道出事實。被告否認。

法庭記者:黃梓生