Facebook 群組「良景居民」圖片
Facebook 群組「良景居民」圖片

一名港媽昨於良景街市購買活魚,並指該魚「購買時好生猛、即場生劏後變凍冰冰」,懷疑貨不對辦,即前往質問魚檔老闆,再前往街市管理處投訴。她其後在Facebook發貼投訴,但反被恥笑。

港媽於Facebook群組「良景居民」發貼投訴指,在良景街市購買一條「好生猛」的活魚,發現即場劏好的活魚變得「凍冰冰」,懷疑貨不對辦,便向魚檔老闆質問後,對方回應:「你係咪傻,水凍,魚點會唔凍」,但心有不甘的她決定再向街市管理處投訴,管理處人員同樣答覆:「冷氣冬(凍)水冬(凍)魚都會冬(凍)」。

港媽表示無話可說,甚至怒斥:「有人說大陸人騙人,我覺得香港人有啲而家都一樣」,更斥街市職員的態度愈來愈差,又指兩個檔主說她傻,她感到欺人太甚,投訴無門。

貼文引起網民熱議,有網民表示,如果魚不新鮮,雪過的話會變硬。不少網民笑指:「你幾時買過魚係有體温㗎?」,「買餸都買咗幾十年,仲問啲咁嘅問題,人哋話係傻都真係好客氣。」,「比條暖嘅你,你仲驚!」,「都唔係熱帶魚,緊係凍冰冰啦」。