有網民發帖,指收到一封內有101元的利是,留言指「擺明玩嘢」。fb群組「巴打絲打 Facebook Club」
有網民發帖,指收到一封內有101元的利是,留言指「擺明玩嘢」。fb群組「巴打絲打 Facebook Club」

過年收利是應該高興,但有網民收到後即「嬲嬲豬」大呼「擺明玩嘢」,原因是收到一封內有101元的利是。帖文掀起熱議,有從事殯儀行業的網民指「死人嘅帛金先至要『尾數』必須是1元」,但亦有網民稱「各處鄉村各處例」,解釋「呢啲叫做出頭,係希望你出人頭地」、「硬幣是保平安的意思」,慨嘆樓主不認識意頭事。

有網民昨(5日)日豬年大年初一在facebook群組「巴打絲打 Facebook Club」上載圖片,可見紅色利是封內封了101港元,並在帖文留言指「擺明玩嘢」,另加3個表示「嬲嬲」的emoji。

事件隨即掀起網民熱議,有網民表示「啋」、「大吉利是」,「做殯儀廿年,死人嘅帛金先至要『尾數』必須是1元,例如101元等!用單數意思係白事只發生一次不成雙」。不過,有網民也表示其祖母每年都會這樣封利是,代表長輩對後輩的祝福,「利是加一個一蚊,原來係『有餘』或者『有出頭』的意思!」、「正所謂各處鄉村各處例,你唔識唔代表人哋係嗰種意思」、「啲人真係連呢啲咁嘅意頭都已經唔識,仲要衝出來」。

有網民笑指樓主「你太年輕了。係意頭呀, 比個狼(良)心你當狗肺」,另有網民問樓主是否單身,「如果係單身,收到咁樣嘅紅包係多一個伴侶,以前我嘅外公都係咁樣封畀我。如果喺工作或事業上就係賺錢或存錢有突永遠不缺。

樓主在帖文留言大呼「擺明玩嘢」。
樓主在帖文留言大呼「擺明玩嘢」。