巴士疑錯過公路出口扭軚補救。「馬路的事討論區」截圖
巴士疑錯過公路出口扭軚補救。「馬路的事討論區」截圖

青衣有巴士在快速公路發現入錯線,在最後關頭匆忙駛入影線區補救,更幾乎撞上分岔路口的石壆。

網民Cheung Michael在Facebook群組「馬路的事討論區」上載行車記錄儀影片,周日上午約7時48分,一輛巴士沿青沙公路行駛,車長疑錯過了出口,在慢線直奔長青隧道往九龍及香港方向。當巴士車長在距離分岔位十多米時,突然察覺行錯路,於是大幅度扭左橫衝入影線區,轉回往青衣及荃灣支路出口。面對前方巴士突然其來擺動,尾隨的客貨車立即急煞,連再後面一輛的士也即時收慢及打起死火燈,幸好無造成多車串燒。

有同樣駕駛巴士的網民就列舉近年多宗巴士嚴重意外,指「巴士車長成日嘈人工低,唔該諗一諗自己嘅專業去到邊個水平,係唔係真係值咁嘅人工,我自己作為一個巴士車長,見到呢啲行家都覺得羞恥...其實好似以前咁樣,憑表現發放獎金最好,咁就最公平,有乜理由Cut影線同守規矩一樣人工?」。

有網民就指,「作為職業司機,唔識路唔係借口,唔識咪去學,尊重下自己份工得唔得」;有人更譏諷「車長被匪徒挾持 ,快啲報警」。

巴士在分岔位前大幅扭軚補救。「馬路的事討論區」截圖
巴士在分岔位前大幅扭軚補救。「馬路的事討論區」截圖
巴士最終成功補救。「馬路的事討論區」截圖
巴士最終成功補救。「馬路的事討論區」截圖