「名校 Secrets」Facebook圖及資料圖片
「名校 Secrets」Facebook圖及資料圖片

DSE對考生來說「何其重要」!一名應屆DSE考生昨日在社交專頁發帖,說出個「有驚無險」的經歷。該名考生說,他記錯考DSE中文口試時間,發現時已將近遲到,於是衝去搭的士,好好彩,遇上暖男的士司機,在他心急慌亂時,司機加快車速,又揀選一條最快的路線,期間更與考生閒聊,安慰他「鎮定啲」,最後考生成功趕到考試場地,司機更少車資,著他快入試場,最終考生順利完成口試,考生決定分享此事,大讚司機「真係好warm」!

該名DSE考生昨日(14日)在Facebook專頁「名校 Secrets」發帖,指他記錯考中文口語的時間,原本以為6點才開考,與同學閒聊時才發現記錯時間,正確的考試時間是5點。於是DSE考生立即衝去搭的士。上車後,考生十分不安,「當時心急到想喊」,於是他情急下跟司機說:「可唔可以快啲」,於是好心的的士司機即時「加速」,並搵一條最快到達的路線。

考生說當時心急如焚,「佢(司機)見我心慌慌就同我吹吓水,叫我鎮定啲。」考生說,「睇得出佢(司機)嘅關心,真喺幫我平伏番個心情,好感謝佢。仲有我一開始就俾定$50佢,慳番俾錢嘅時間,但最尾超咗錢,個司機話唔洗俾啦少少錢,真係好warm」。

最後考生成功趕到試場,他說,今次考試表現仲「唔錯添」。考生決定要上網分享此事,感謝該名的士司機的幫忙,亦呼籲各考生「唔好好似我咁大頭蝦,check清楚考場同時間!」。