有婦人帶32歲兒子索假的病假紙被拒大鬧診所。
有婦人帶32歲兒子索假的病假紙被拒大鬧診所。

香港地各類人種無奇不有,一名婦人上月帶其32歲「處男細路仔」兒子看醫生,拒絕出示身份證,被拒看症後大鬧診所,引起網民熱議。原來「故事」還有續集,該對母子日前又到訪該診所,今次是死𦧲醫生寫早一日病假紙,結果要驚動警員到場調停。

據「西客之道 Hispitality Secret」專頁,該名港媽今次得戚地飛張身份證入登記處窗口,揚言「嗱!身份證呀!掛號啦八婆,都唔知您係咪想溝我個仔先死都要佢張身份證。」護士暗地抱怨,「呀太,我結咗婚好多年架啦,而且邊個頂得順你做奶奶呀」。

當時要等幾個病人才輪到該對母子,港媽就在診所催「話自己個仔病到就死,煩大堂其他病人讓佢個細路仔睇先喎,但無病人理佢亦無人肯讓佢」。當輪到母子入內看診,又傳出醫生與港媽吵架的聲音。

原來該名港媽聲稱早一日兒子好病,睡足全日無起身,要求醫生寫回早一日的病假紙。醫生堅持犯法一定唔開假紙,於是港媽就發難個「你犯法關我咩事,總之我畀錢你比張假紙我個仔,我個仔公司無咗佢唔得架。」而該名32歲兒子則依舊坐在病人椅打遊戲機,無視一切。

護士透露,「佢啊媽瘋狂咁鬧,言語間聽到佢個仔係某連鎖店到做廚房的,跟著個女人見醫生唔理佢,淨係話總之唔會開,佢呀媽癲咗咁打開醫生房門,係咁對著大堂叫話呢間診所啲人正X街,蝦佢家爺仔乸,又話我哋唔開假紙畀佢個仔,想佢病死想佢失業,我哋好毒想佢哋兩個死。」

當該名32歲兒子想起身出大堂,港媽就阻止,要求坐到醫生開假紙為止。出面的病人見狀威脅報警,港媽於是揚言「報警啦,搵埋記者睇下您呢班X街點蝦我個仔呀!」港媽指責醫生搞事,稱開張假紙有幾難,又不是無錢。

當場果然有病人報警,港媽見大堂無人理會,於是走到登記處鬧護士,「呢啲女人正衰人,個仔咁純真咁好,點解你要夾埋個醫生蝦佢,肯定係(護士)上次溝唔到個仔,所以今次咁毒唔比醫生開假紙畀佢」。

隨後港媽又走返入去鬧醫生,警察到場調查後稱糾紛也無能為力,將女子帶出診所調停。但之後護士見到女子係門口坐落地下𦧲地,警察都好無奈。擾攘一小時後,該女子終於離開。警察轉交了醫委會的電話號碼,叫女子如果不滿意就打去投訴。

有網民就稱,「醫生應該寫紙,不過係轉介精神科」、「好想睇有第三次」、「應該列入黑名單」。

相關新聞: