尹志田與來自尼日利亞能源專員分享港燈的「上網電價計劃」。
尹志田與來自尼日利亞能源專員分享港燈的「上網電價計劃」。

早前舉行嘅「一帶一路電力人才發展計劃」分享會上,有來自尼日利亞、在領事館工作嘅能源專員Stephen,佢來港其中一個目的,係參考香港呢個出名密集同「垂直」嘅城市,如何構建一個既穩定又高效嘅電力供應系統,並希望可以為國家引入更多外國投資項目。
據Stephen同港燈董事總經理尹志田(CT) 講,好多人一想起去非洲,都係睇動物大遷徙。其實近年當地社會同經濟發展都好快,以佢自己國家尼日利亞為例,已經發展成非洲人口最多,GDP最高的經濟體,城市化進程近幾年進行得好快。所以佢今次來香港,就係希望可以參考下香港穩定又高效嘅電力供應系統。
佢又指出,尼日利亞天然資源豐富,只要抬高頭見到個太陽就知,加上日照時間長同溫度,好適合發展太陽能發電,所以係尼日利亞非常重要的發展版塊。
CT於是就同佢介紹港燈的「上網電價計劃」,回購由民間自己安裝的可再生能源發電系統所發的電力,以鼓勵市民和社會更多去利用天然資源發電。尼日利亞地大物博,長遠來說發展潛力相當巨大。