有空少分享其「執」到小朋友經過。
有空少分享其「執」到小朋友經過。

乘客無論落車或落機時都應檢查隨身物品,甚至同行人士!有空少分享,曾試過檢查機艙時,發現一名年約6歲香港男童被遺下,經查問原來是男童母親因為趕落機去廁所,而漏低兒子,幸母親最後返回機艙尋子,才未致引起更大誤會。但在場空少的上級就忍不住向母親訓話:「我飛咗廿年,有人漏咗個仔你都係第一個,我哋做人阿媽嘅應該要好好睇住個仔。」

facebook專頁「豆腐空少的飛行日記」版主發帖分享,空中服務員每當機上所有乘客落機後,就會檢查機艙,多年來不外乎發現手提電話、銀包、護照、手信,甚至有時會發現內衣、衣物等,但「呢班機『執』到嘅都幾估佢唔到,我『執』到個細路,佢老母漏左個仔啊!係一個6、7歲嘅香港小朋友」。

空少向小朋友了解後,得知他的母親去了廁所,正當想為他聯絡母親時,母親及時返回機上「認領」兒子。母親更即時問兒子為甚麼沒有落機,結果被反駁:「我點知你飛機有廁所唔去,用出面嗰啲喎」。

此時,空少的「阿姐」也向男童母親說:「太太,我飛咗廿年,有人漏咗個仔你都係第一個,我哋做人阿媽嘅應該要好好睇住個仔,好彩你個仔醒啫」。母親被教訓後,低頭拖着兒子的手離開。空少在帖文直言:「如果佢冇返嚟,我哋真係會以為佢經濟有困難而漏低個仔喺度」。

不少網民留言斥母親粗心大意,「小朋友都可以留低得!唔係啩!」、「真係生仔要考牌」,並認為「阿姐好嘢!抵鬧!」另有網民笑言,「個細路真係貢(咁)寸阿媽,堅喎!」

facebook專頁「豆腐空少的飛行日記」帖文。
facebook專頁「豆腐空少的飛行日記」帖文。