葉劉到美國領事館茶敍 。FB圖片
葉劉到美國領事館茶敍 。FB圖片

《逃犯條例》修訂爭議不斷,美國駐港總領事館、香港美國商會先後質疑修例,在此敏感時刻,身兼行政會議成員的新民黨立法會議員葉劉淑儀,竟然走入美國駐港總領事館?原來葉太是應美領事館邀請,出席Federal Women's Program下午茶敍,同一眾女領事館人員分享作為女從政者如何做到Work Life Balance,亦介紹香港選舉制度同埋自己立法會嘅工作,事後更獲贈一支紅酒作禮物。

葉太在社交網站分享茶敍過程後,網民焦點唔係女性從政之道,反而批評葉太對《逃犯條例》修訂立場,有網民留言「挑機」問:「(美方)有無問你逃犯條例呀?好想知你又點答!唔好出賣香港人」,批評佢支持《逃犯條例》修訂。一向霸氣嘅葉劉當然不甘示弱,反問網民「你是逃犯嗎?」,一句KO!