唐狗狗主人(左)、受傷的拉布拉多。「拉布拉多谷Labrador Valley」fb群組圖片
唐狗狗主人(左)、受傷的拉布拉多。「拉布拉多谷Labrador Valley」fb群組圖片

帶狗狗外出散步需要綁上狗繩是常識吧,不過有網民在社交網站發文,投訴其愛犬在將軍澳一屋苑的寵物公園兩度遭同一隻唐狗襲擊,而唐狗主人不但毫無歉意,更繼續放繩,任由狗隻隨意奔跑,提醒其他狗主注意提防。

該網民在社交網站Facebook群組「拉布拉多谷Labrador Valley」發文,指今年3月丈夫帶同9歲的愛犬拉布拉多Jasper,到將軍澳一屋苑的寵物公園散步,怎料Jasper一跑入公園,即有一隻黑色唐狗衝出,咬著Jasper頸部,「Jasper條頸被咬出一條6-8cm長嘅傷口,分開佢哋時,我先生仲整親個膊頭,當時冇報警,但係我先生同個女人講,叫佢以後帶隻狗一定要拖。因為之前已經見過佢老公帶佢行街唔拖,仲撲過嚟我隻狗到」。

唐狗。「拉布拉多谷Labrador Valley」fb群組圖片
唐狗。「拉布拉多谷Labrador Valley」fb群組圖片
樓主丈夫手部受傷。「拉布拉多谷Labrador Valley」fb群組圖片
樓主丈夫手部受傷。「拉布拉多谷Labrador Valley」fb群組圖片

怎料事件發生3日後,樓主及其丈夫再次遇到同一隻唐狗,唐狗再次衝上來險咬傷Jasper,幸好及時阻止。樓主與丈夫於是上前理論,並要作出追究,惟對方拒絕,「佢全程一啲都冇歉意,亦冇提出要賠償,話我哋要民事告佢就隨便。仲話佢隻狗一向好乖,講到係我哋隻狗有問題咁」。

樓主續說,由於事後漁護署已經聯絡對方狗主,對方亦承諾日後不會再放繩,並會為狗隻使用口罩,於是打算不再追究事件。惟至昨日,丈夫與Jasper到上址後山草地玩耍時,竟再遭該唐狗咬傷耳朵,連丈夫分開牠們時,亦被唐狗咬傷手。丈夫隨即要求對方狗主人留下電話號碼,惟對方拒絕,更企圖帶同唐狗離開現場。「我先生嘗試擋住佢,佢拖住隻狗直接衝埋嚟,啱啱先俾佢咬完只可以閃開」,期間狗主更發難,反斥樓主亂放狗。

樓主丈夫手部受傷。「拉布拉多谷Labrador Valley」fb群組圖片
樓主丈夫手部受傷。「拉布拉多谷Labrador Valley」fb群組圖片
受傷的拉布拉多。「拉布拉多谷Labrador Valley」fb群組圖片
受傷的拉布拉多。「拉布拉多谷Labrador Valley」fb群組圖片

樓主怒斥唐狗主人不負責任,拒不認錯的態度無恥,「女主人同人講佢隻狗叫駱駝,又話係洛威拿,男主人又話隻狗叫阿偉,係唐狗。隻狗個樣似唐狗,但不知道是不是混種,男仔未絕育」。她又提醒將軍澳的狗主要小心該隻唐狗。

事件引起網民熱論,有網民更留言稱曾被同一隻唐狗襲擊,亦有人留言稱「好傷啊陰功」、「已經唔係第1次!太過份!」、「主人先最大問題,狗狗係最慘,佢可能係保護意識」,亦有狗主表示「我聽街坊講過,佢隻狗第一次咬傷人哋時走咗數又成,重點仲要係未打瘋狗針,所以有次撞到正,佢隻狗又想作狀攻擊。個女主人一如以往根本唔夠力控制隻狗,我就同佢講,其實你隻狗有前科咬傷人哋,會唔會唔好用心口帶,用頸圈,同有返個狗咀。個女人係完全無比反應,直到我話啲街坊都話你隻狗未打齊針,就係呢句挑起佢神經,係度嘈,之後就自己走咗」。

受傷的拉布拉多。「拉布拉多谷Labrador Valley」fb群組圖片
受傷的拉布拉多。「拉布拉多谷Labrador Valley」fb群組圖片
唐狗狗主人(左)。「拉布拉多谷Labrador Valley」fb群組圖片
唐狗狗主人(左)。「拉布拉多谷Labrador Valley」fb群組圖片