連登仔請親戚飲茶變「老奉」,請少次即被鬧。網上圖片
連登仔請親戚飲茶變「老奉」,請少次即被鬧。網上圖片

與親戚食飯飲茶大多都是輪流請客,一名連登仔近日呻有一班「無恥親戚」,每次飲茶都例必「鬥拖」不付錢,等他出手埋單。他日前母親節與該班親戚再次飲茶,難忍「老奉」埋單,故刻意未有主動結帳,但親戚竟當場高呼「你未畀錢呀」,晚上更致電斥責他沒有禮貌、不懂人情世故,並要求他夾錢,引起網民討論。

20多歲的連登仔「你是」前日以「有一種親戚叫無恥」為題發帖,指在社會工作了數年,「有一班親戚次次出嚟飲茶都唔畀錢,年齡大概40至60,啲仔女係廢青,拍拍屁股就走咗。」他稱,與親戚飲茶時經常無人埋單,故母親就叫他負責,免令場面尷尬,「畀完之後都大家都唔會講主動夾返錢,我都算啦,幾百元平時食都食咗。」

到母親節當日,他再次與親戚飲茶,並萌生一種想法,「之前都畀咗大大話話八、九次,今次試下唔好畀」,故他在埋單時自行離去,但一名親戚當眾高呼「你未畀錢呀」,令他感到驚訝,「個意思係叫我請晒,唔係夾錢。立刻好興(㷫),老奉咩而家!所以扮聽唔到走咗。」

他表示,該名親戚當晚竟致電他「訓斥」,「你今日做咩唔畀錢走咗,知唔知好無禮貌,我唔理呀你要夾返錢,你有份食,你咁大個人應該要知呢啲人情世故,你知唔知呀,我教醒你咋!」

他對此感到十分不滿,「其實張單唔使1000蚊,之前你哋都無主動話夾,我又打畀你話你無夾咩?為咗幾百元做到咁醜!」他續指,由於親戚在年幼時曾照顧過他,故會不時飲茶聚會,「諗住孝敬老人家,大個諗住請返佢哋,點知次次變左老奉。」

不少網民都替事主不值,「係我就繼續去食飯,到你餐餐唔使比拍拍籮柚就走,問你做乜唔畀錢就擺低自己果份」、「一日唔反抗,佢地都繼續當你水魚,又唔係冇手冇腳,佢地唔識自己比錢咩。」

亦有網民認為母親節應由後輩請客,「母親節後輩請就合理嘅,但應該大大聲叫哂其他後生仔女一齊夾,再加多句之前咁多餐都係我俾,係時候一齊孝敬下啲老人家啦」、「後生一輩唔熟上一輩關係,真係唔好開拖啊」。