有奔喪職員復工帶住杯奶茶遭上司窒。網上示意圖片
有奔喪職員復工帶住杯奶茶遭上司窒。網上示意圖片

無事生非?有網民在Facebook在Facebook「奴工處」發文投訴,稱一名為祖父奔喪的同事復工當日帶上杯奶茶,遭到上司窒「都唔知攞假係咪真」。

事主稱,最近有位同事的爺爺剛剛去世,「佢返嚟個日食晏買咗杯珍珠奶茶返公司」,結果遭上司挖苦「有心情買珍珠奶茶,都唔知你之前攞假係唔係咪講真話」。事主形容,「係旁邊默默工作嘅我都呆咗」。

一眾網民都不認同上司講法,指「 呀爺死左=唔可以飲珍珠奶茶,Goodest logic」、「駛唔駛頭帶白花,日日哭喪咁面口返工對住你?」、「呢個上司希望第日佢屋企人死嗰陣,可以做到茶飯不思啦!」。

面對冷嘲熱諷,更有人還以顔色,稱「我以前媽咪死後我的dept head 話我腳頭唔好,叫我自己辭職。最後被我搞到佢同我一齊辭職,我仲遲佢一日走。」。