「西客之道 Hispitality Secret」圖片
「西客之道 Hispitality Secret」圖片

繁忙時間不少巴士都會好似罐頭一樣擠迫,通常乘客都會容忍。但一名巴士車長多次發出廣播呼籲乘客走進車廂後方,但一名女子不但堅持站在車門通道拒絕配合,事後更投訴車長叫乘客走入車廂後方,令車長自問「究竟我做錯咗啲咩 」、「究竟香港人有幾咁難服侍」

一名巴士車長在Facebook「西客之道 Hispitality Secret」發文,稱某日負責駕駛新界西北過海的西隧長途線,大約早上7點左右最繁忙的時間,上層、下層全部座位都坐滿,車長就叫乘客盡量企入去。但係有位女乘客一上車就站在車門走廊、司機位左面後方位置。車長就撳廣播機同埋出聲叫乘客盡量行入車廂。

車長解釋,「但係呢位女乘客依然一尊佛咁樣棟喺走廊頂住人入去,叫咗幾個站都冇人理我。去到轉車站,大約有起碼20人左右排隊,但係只有車頭兩三個人企人喺度頂住,入面大把空位」。車長忍無可忍,於是企起身,然後就講「麻煩大家行入少少喇,個個都趕住返工!唔好咁自私喇!唔該!行入兩步啦!好多人上唔到車」。

車長指,雖然其他乘客都行入去,「唯獨嗰個女客依然一碌木咁企喺我附近走廊,望住我,然後得低頭玩電話。然後冇幾耐就收到佢投訴我,話我不停叫人行入車廂」。

有網民就質疑投訴理據,「咁客氣都投訴?試過有司機直頭揶揄:『車尾係唔係有鬼?無就企入啲啦!』」,有人感同身受批評「企響車頭唔行入 啲嗰啲XX真係好乞人憎」。

繁忙時間經常出現巴士乘客企到車門。資料圖片
繁忙時間經常出現巴士乘客企到車門。資料圖片