傳麥美娟(右)在會議上向林鄭月娥(左)以粗口大罵。
傳麥美娟(右)在會議上向林鄭月娥(左)以粗口大罵。

行政長官林鄭月娥上周六宣布暫緩《逃犯條例》修訂暫緩前,在禮賓府會見一眾建制派人士,據傳工聯會議員麥美娟在會議上向特首林鄭月娥以粗口大罵「X街」,火藥味甚濃,而麥美娟事後未有正面回應事件。不過,網上今日瘋傳一段疑似金融服務界立法會議員張華峰,與監警會主席梁定邦的對話錄音,當中提及麥美娟向林鄭爆粗。

據傳,該段錄音是張華峰在監警會會議上忘記熄咪,與梁定邦的對話流出。張華峰在錄音中表示:「你唔知呀,X你老X個女仔呀,X呀林鄭呀...只係你呢個女人識喊呀?我喊咗成晚!」、「嗰個麥美娟呀,工聯會呀,因為佢應承選民(《逃犯條例》)一定會過,佢今次可能....」、「係特首辦到講,咩迎賓館呀,嗰個貴賓館呀,特首住嗰間屋到講」。

梁定邦聞言回應稱:「有無搞錯呀?身為立法會議員,咁失身份?問候人老母,仲要係女人」,張華峰則說:「佢將所有政治押晒呢一鋪,肯定..無得選啦」。

據《東周刊》報道,麥美娟當日在會議中大聲説:「你太天真啦!依家就算暫緩(修例)人哋都唔會收貨!」,又稱「唔好賴解説工作,一開始特區政府就低估政治形勢,我啲兄弟落去解説日日被人X!X街,你試下落區日日畀人X呀!」林鄭一臉錯愕,但繼續努力辯解。

惟麥美娟谷爆繼續狂數,話一味叫建制派唔好動搖,所以即使有逾百萬人遊行反修例,工聯會依然去美國領事館拉橫額鬧美國佬,麥繼續說「依家話撤就撤,咁當初有過百萬人上街,嗰時又憑咩咁堅定?」麥美娟鬧足5分鐘收唔到制,林鄭忍到呢一刻終於淚灑人前,麥美娟隨即說「依家喊有咩用?你識喊!我都識喊!」自己亦喊了出來。

而麥美娟今日回應事件時就表示,現時最重要是如何修補社會撕裂,以理性方法討論。她認為亦不應該再斟酌政府有否出賣建制派。她強調,《逃犯條例》修訂本身沒有問題,建制派沒有盲目、無條件支持政府,重申最重要是顧全大局,而非個人名利得失。

張華峰。
張華峰。