兒子屁股有瘀痕 媽媽質疑幼稚園老師所為報警處理

一位媽媽前晚(16/7)在將軍澳討論區分享一件朋友兒子發生的事件,她表示朋友的兒子在坑口某幼稚園讀下午班,4月底時發現兒子的屁股上有瘀痕,質疑是學生老師的所為,翌日帶兒子求醫及報警,校方否認有打男童的屁股,男童現已轉校,該位老師亦已離職。

據親子網站《Oh!爸媽》報道,男童媽媽Y女士(化名)表示,4月30日發現兒子的屁股上有瘀痕。由於兒子有言語發展遲緩,Y女士表示問兒子有否被打時,兒子在印有各位老師的相片上指住一名老師。Y女士當日就帶兒子到私家醫院檢查。「醫院醫生話係硬物撞擊或者類似條狀嘅嘢打,但係私營醫院唔可以做驗身報告,佢提議我哋去政府醫院,所以第二日先去政府醫院。」

Y女士當晚透過學校通訊較件問班主任為甚麼會有條傷痕,Y女士表示當時主任和班主仼回覆男童並無特別事情發生,要向興趣班老師先了解。


事件發生翌日,即5月1日,Y女士再帶兒子到公立醫院驗傷,並到警崗報警,Y女士表示因為事件有機會涉及虐兒,因此兒子亦在醫院留院觀察一晚。

Y女士表示警察有向校方要求取CCTV,校方只提供30號當日的CCTV,但30號之前的則沒有提供。Y女士表示,「警察話睇瘀痕唔係30號發生㗎喇, 係都係前一兩日,佢話佢會嘗試問校長拎前一兩日嘅cctv,校長就唔一定俾,而佢哋亦唔會搜查。」而30號當日的CCTV並沒有男童被打的片段。


Y女士事後得知該位老師在5月2日已離開學校。「學校同我哋講話老師因為壓力大所以離職, 同警察講因為睇到cctv佢有暴力對待另一名學生所以炒咗佢,所以我唔知佢係點走。」另外,Y女士有想即時轉校,同時亦有到其他學校面試,但因擔心被指「搞咁多嘢出嚟」,因此沒有刻意在面試時公開要轉校的真正原因,而面試的學校都提議在原校讀完整個學期。

Y女士表示報警後,從警方口中得知有另一位受害兒童。「警察只係話老師有推撞拉扯,學校有開家長會但係只係將我呢件事公佈出嚟,另一位小朋友係完全冇公佈。」Y女士曾聯絡該位家長,希望公開事件,但該位家長透過社工表示因小朋友要留在原校讀書,不便出面。

《Oh!爸媽》記者就事件聯絡校方,該校張主任指事件已交由警方及社署處理,並已宣佈案件不成立,警方亦沒有控告老師。校方確認涉事老師已離職,原因是事件令他感到有壓力,不開心,在不希望影響學校前提下,決定離職。