食客埋單差11蚊先夠數享免費泊車。
食客埋單差11蚊先夠數享免費泊車。

不少商場或餐廳都設有泊車優惠,只要消費滿指定金額,就可獲某個時數免費泊車。一名酒樓食客發文投訴,指炮台山一間酒樓消費滿1500元可獲兩小時免費泊車,她結帳金額為1489元,要求職員將予泊車優惠被拒,及後給1500元埋單,要求對方不用找續,爭拗兩分鐘,成功爭取兩小時免費泊車,引起討論。

該名網民在Facebook專頁「中伏飲食報料區」發文,指在炮台山一間酒樓食飯,若消費滿1500元可獲兩小時免費泊車,但她埋單時金額為1489元,距離1500元要求差11元,要求對方給予兩小時泊車優惠,但被拒絕,「一家七個人食晚飯賣單$1489....商場$1500可以有兩小時免費泊車,只係要求佢比兩個鐘頭免費泊車,居然條八婆話你唔夠$1500,但係我哋比現金三張$500。」

她其後表示給予1500元不用找續,11元當「貼士」,但職員表明帳單非顯示為1500元,故不能享用免費泊車優惠,要叫多一樣食品或飲品才達致要求,事主堅持不用找續,最終獲兩小時免費泊車,「咁我最後再同佢講話堅持話我唔需要你找個11蚊啦⋯⋯咁咪$1500囉⋯⋯才死死地氣施捨兩個鐘頭免費停車場俾我哋!但係之前要同佢辯論左成2分鐘!」

不少網民認為事主不講道理,「比係人情唔比係道理,攪咁多嘢就係為咗free一個鐘泊車,比唔起停車場錢就咪鬼揸架車出街啦」、「比得起1500,比唔起兩個鐘泊車。」亦有網民建議只需叫多一罐汽水就可以解決,「真係叫多罐汽水都得啦」、「點解你唔考慮叫多罐汽水咁咪夠囉」。

食客堅持俾貼士當消費。
食客堅持俾貼士當消費。
食客堅持俾貼士當消費。
食客堅持俾貼士當消費。