梁振英。資料圖片
梁振英。資料圖片

曾提名新民黨葉劉淑儀出選特首、廠商會出身的商人沈運龍近日出咗本自傳,將自己從香港仔搖身到沙特阿拉伯白手興家的故事發布成書,昨日更邀得全國政協副主席梁振英擔任新書發布會的嘉賓。梁振英話,自己卸任行政長官後,成立「一帶一路」國際合作香港中心及大灣區香港中心,希望可以實踐互聯互通,創造各種機會畀青少年,等香港下一代可以去一帶一路沿線國家睇吓。

沈運龍係中東發迹,梁振英指,自己曾邀請沈運龍帶香港中學生到當地參觀,明言中東在宗教、歷史、語言等文化與香港大有不同,對年輕人而言是神秘地方,發展中國家亦是不錯的跑道。

講講吓「一帶一路」,梁振英突然話鋒一轉,話青少年學做人好重要,明言「先學做人、後學做事,一個人如只學做事,他做事的本領無論有多強,但係不學做人,他並不是一個好人,對社會遺害很大;他的本領愈高,對社會的遺害愈大,所以我們在社會、在學校、在家庭,都希望青少年先學做人,後學做事」,雖然未有評論現時時局,不過似乎CY就語帶深意。