有港鐵車務人員在fb「MTR Service Update」刊出抗議訊息。網圖
有港鐵車務人員在fb「MTR Service Update」刊出抗議訊息。網圖

大批白衣人周日(21日)晚上在元朗站無差別襲擊市民和西鐵乘客,造成至少45人受傷。港鐵曾一度不停元朗站及呼籲乘客離開車廂,引來外界批評處理不當。

港鐵車務人員在facebook「MTR Service Update」刊出抗議訊息,訊息中指,因香港從未發生有人衝入鐵路毆鬥事件,應變程序假設港人會守法搭車,車站內沒設有武警監察乘客。車站職員和車長當時亦不知哪些人有社團背景,或是
哪些組織忽然衝入車站打人。文中又指原本應該由警方到場協助,但警方沒有派人到場,警署落閘關門。訊息中提到,車站職員根本無法手無寸鐵保護市民,「職員點手無寸鐵出去做超人一個打十個」,而月台值班亭、客務中心的玻璃亦非常容易被打破,而當時亦有職員受傷。最後車務人員嚴正質問港鐵公司和警方,有否措施可以保障乘客、職員安全。

港鐵車務人員抗議訊息全文:

香港都未發生過有人衝入鐵路處所毆鬥的事件,應變程序都係假設全部香港人會守法搭車,車務人員唔係保安,都無其他國家啲鐵路有武警去監視乘客一舉一動,依家有無人值守大堂同無人駕駛列車,應該報警之後,警察係最快到場

唔好講站長、車長唔知邊啲人原來係黑底,邊個組織咩事忽然衝入嚟打人,記者、救護員都俾人扑頭

警察唔派人行咇,屯門、元朗、天水圍啲差館一早落埋閘唔俾人報案,打 999 又 cut 線叫你:「驚就咪出街啦!」市民收工返屋企都唔得呀 ?

(按:☎️ 999 熱線由警務處運作,只會於有需要時方轉介消防處安排救護服務)

職員點手無寸鐵出去做超人一個打十個,除咗控制室道鋼門外,月台值班亭、客務中心全部玻璃一打就爛,客務中心外判又唔知保險包幾多,依家仲真係有同事俾人拖出去,又有同事受傷添

我地依家嚴正質問香港鐵路有限公司、香港警察,有乜野措施可以保障乘客、職員安全,喺未有措施保障大家安全之前,唔反對良心罷工令鐵路停駛