何君堯(右)指朱凱廸支持者破壞家墳。港台圖片
何君堯(右)指朱凱廸支持者破壞家墳。港台圖片

元朗周日晚發生白衣人暴力襲擊市民事件,立法會議員何君堯被拍到與白衣人握手,被指與事件有關。何君堯雙親墳墓昨被毀壞,他昨晚上載片段,指是立法會議員朱凱廸的支持者砸爛墓地,勸籲朱「我義正嚴詞話你聽,前面條路一條係生路,另一條係不生路,你要選擇係邊一條路?你早啲決定。」

何君堯在Facebook上載約18分鐘片段,對被指與白衣人襲擊市民有關,他再次解釋,「執住呢啲抹黑何君堯係黑社會……呢種莫須有、毫無根據、只係靠估,就話以言入罪、或者握手入罪,我哋香港已進入乜嘢景況?呢啲係咩人、咩議員質素?後面代表係乜嘢選民?」

之後他指控朱凱廸間接有份破壞其父母墳地,「今日你將我父母墓碑打爛,係你嘅支持者,而你係包庇者。你會唔會上嚟我老豆老母度,鞠返個躬?如果你上嚟,仲要率領你嗰20幾條泛民……呢種破壞先人安息地方,你會唔會譴責咁嘅暴徒?你會唔會同呢啲暴徒割席?交出你嘅追隨者出嚟?網上已有佢嘅相出咗嚟!」

何君堯最後表示:「我何君堯今日仍然好憤怒,比起離開港台時憤怒一萬倍都唔止。」他向朱指出:「前面條路一條係生路,另一條係不生路,你要選擇係邊一條路?你早啲決定,早唞。」

何君堯雙親墓碑被毀壞。
何君堯雙親墓碑被毀壞。
何君堯雙親墓碑被毀壞。
何君堯雙親墓碑被毀壞。