大輝話「做政協梗係支持政府啦係唔係先!」
大輝話「做政協梗係支持政府啦係唔係先!」

特首林鄭月娥昨日不但設壇與全港區議員見面對話,另外仲邀請港區全國政協委員到禮賓府,就《施政報告》同反修例事件表達意見。出席的政協不少,有五十幾人,好似體院主席林大輝、廠商會前會長施榮懷、聖公會港島教區主教鄺保羅等。林鄭則夥拍政制局局長聶德權、創新辦總監馮程淑儀、特首辦主任陳國基齊齊同大家會面。

出席的林大輝同Kelly講,今次會面歷時兩個鐘,大家好踴躍發言,氣氛相當平和,大家發言內容主要圍繞對現時局勢的憂慮,期望政府盡快止暴制亂,以及表達對政府和林鄭施政的支持。上次大輝在禮賓府,曾經向林鄭進諫要求律政司司長鄭若驊下台及改組行政會議,大輝話今次無再講啦,又笑言大家心願都是希望局勢回復正常,「做政協梗係支持政府啦係唔係先!」