印度協會前主席毛漢褚簡寧昨被噴藍水。
印度協會前主席毛漢褚簡寧昨被噴藍水。

印度協會前主席毛漢(Mohan Chugani)周日路過尖沙嘴清真寺,被警方水炮車噴出的藍水射中,他跟Kelly說,清洗了十幾次,昨日雙腳依然洗唔甩啲藍色,他要求特首同警務處長向全港公私營醫院通報藍水成分,等醫生知道點樣處理中招者的不適。

毛漢當日並非遊行,亦不是示威者,但被水炮車噴中藍水,他憶述情況,仍然好火滾,「成身好似着火咁,雙眼睜不開,做咗起碼半小時盲公!」當時有好心人帶他去清真寺清洗了幾次,他即時致電浸會醫院的私家醫生,想睇急診,點知個醫生有疑難,叫佢唔好嚟,原來醫生都唔知藍水有乜成分,唔知點醫。

毛漢好勞氣咁同Kelly講:「警方要講畀全港醫生知藍水成分,以便紓解中招者嘅不適,呢個係應該做嘅。」他打了個比喻:「畀蛇咬,都要知係乜蛇,先有得救!」

另毛漢連同公民黨立法會議員譚文豪、融樂會總幹事張鳳美等人,昨午到警察總部投訴警察報案中心,正式投訴警方周日在無合理原因下,使用水炮車傷及無辜市民。