睇戲遇小朋友不斷發問,勸阻不果辣㷫全戲院。
睇戲遇小朋友不斷發問,勸阻不果辣㷫全戲院。

欣賞一部好電影,是在繁忙工作外放鬆身心的一大享受,但看戲期間不斷受滋擾,則難免感到掃興。有網民在Facebook上載文章,大呻昨日看戲期間不斷被小朋友「發問」騷擾,而其父母又未有阻止發問,更形容「好似冇睇過套戲咁」,大感無癮。

該網民昨日發表以《一個小朋友,辣㷫全戲院》為題的文章,指昨晚到葵芳一間戲院觀看戰爭電影,期間懷疑有一家三口入場觀看,一名小朋友不斷向其父詢問電影內容,「佢呢個好學嘅小朋友,佢就不停問阿爸阿媽………阿爸 點解嘅點解嘅……喺差唔多十分鐘。」

他續指,其後場內一名觀眾按捺不住,「我隔籬位兄台,佢爆啦,忍唔到啦,佢居然轉身,答個小朋友一句…大聲一句 ……『 你可唔可以靜啲呢』……當下,個戲院嘅氣氛真係靜咗十秒…………天呀,呢位兄台,佢做咗全場嘅十秒英雄呀。」

但情況似乎未有改善,網民指,「 好可惜嘅,呢位小朋友,老豆,阿媽,原來都係聾嘅,人哋用曬中氣講呢句句子,佢居然,唔識解 呢句句子,唔知咩嘢叫靜,如是者佢哋又繼續咁落去…老豆老豆…… 老豆老豆……加埋啲膠袋聲呀,薯片聲呀,真喺仲立體聲過啲炸彈聲。」

他又指,第一次在散場時,聽到全場觀眾在討論一家三口的行為,「大家都覺得,好似冇睇過套戲咁。」

有網民看完文章後表示身同感受,指「所以暑假期間一定唔會黃金時間睇戲,三級片除外。」亦有網民分享對付同類事件的經驗,「我遇到通常會:唔好意思,介唔介意靜少少,開左(咗)場嫁啦。係試過一次講左仲係嘈就插佢,靜啲得唔得啊!大大聲插佢先肯收聲。」

網民不滿家長未有管教小朋友,於Facebook上載文章訴苦。網上圖片
網民不滿家長未有管教小朋友,於Facebook上載文章訴苦。網上圖片
網民不滿家長未有管教小朋友,於Facebook上載文章訴苦。網上圖片
網民不滿家長未有管教小朋友,於Facebook上載文章訴苦。網上圖片

網民不滿家長未有管教小朋友,於Facebook上載文章訴苦。網上圖片
網民不滿家長未有管教小朋友,於Facebook上載文章訴苦。網上圖片