菊梓喬（Hana）在除夕夜的倒數騷演出，獲緋聞男友吳卓羲帶同家人現身支持，男方更不否認緋聞；再為元旦日《聲夢維港Party Together 2022 演唱會》表演的Hana，以低胸衫示人，形容是少少性感。數度問及緋聞，Hana都未正面回應，問是否要恭喜她？Hana笑言新一年做多個騷是好開始。
Hana不介意被祝有桃花運。
問到這晚不見吳卓羲？Hana說：「都有好多好朋友來支持我，你問邊個好朋友？（吳卓羲？）昨（除夕）晚他很想來睇，因為他好多朋友上台唱歌，所以問我有沒有飛。（父母鍾意你？）咁你要問他父母，未見到面，他有帶人來後台影相。（見家長咁特別？）影下相係個開心節目，見到他家姐，家姐好靚好似他。（吳卓羲話唔怕？）睇騷又有乜怕。」問等男方開口才能公開？Hana形容少答感情事，笑指自己好大方，不介意祝她有桃花運，因為做歌手很需要桃花。
少有性感示人。
