組合ERROR4子梁業（肥仔）、何啟華（阿Dee）、郭嘉駿（193）和吳保錡（保錡），在昨晚（1日）的商台頒獎典禮坐足整晚空手而回，但他們表示絕對無失望，因是預計之內；惟有期望下一年，或者要求做表演嘉賓，至少不會浪費身上的靚衫。提到保錡與女友張沛樂（沙律）疑似分手，保錡指感情事不便回答。193即衝出來說要邀請保錡及有關人等上他的節目《晚吹-戀講嘢》分享戀事。問保錡是否夠膽亮相？但保錡未有回答，反而是阿Dee和肥仔爭著你一言我一語的代他解圍，不過肥仔忽然若有所指地說：「感情從來都唔容易。」
ERROR受訪時又連環搞笑回答。
保錡未有否認跟沙律情變，只表示不便回答。
另外，有網民為ERROR抱不平，指他們疑似被ViuTV「放養」；尤其是與MIRROR去年11月同告成軍3年，但待遇大相逕庭，ERROR的3周年慶祝活動要靠自己，193聞言笑謂：「個活動係公司安排，如果要我哋自己搞就唔會搞，因為冇人工。」阿Dee則說：「網友代抱不平好開心，但實際係我哋好乖、為公司慳budget。」肥仔更搞笑道：「MIRROR比我哋仲慘，佢哋3周年要一日做3個騷，但我哋打完保齡球就可以返屋企打邊爐，仲有禮物拎返屋企。」4子強調絕對沒被「放養」，還透露他們已準備錄新歌及有新計劃，此時，保錡抄姜濤的金句說：「我哋係謙卑嘅人，要用作品說話。」繼而肥仔再引用姜濤所言打趣指：「姜濤講嘅亞洲的第一其實係話ERROR，佢係望住我哋唔係望住MIRROR講，而佢喊緊嘅時候唔敢望我哋就係因為怕我哋。」
ERROR去年11月成軍3周年，舉行保齡球活動跟fans一齊玩。
ERROR搞笑指MIRROR怕了他們。
四子表示今年即將有新工作及計劃。
